Hlaupagestir

Hálfmaraþonlið

Allir hressir rétt fyrir hlaup

Við Óli kíktum bara á róló á meðan gamla liðið hljóp

Allir búnir áðí

Vorið...

...sýndi sig aðeins um daginn.

Miðvikudagur í mars

Við erum farin að sitja hlið við hlið í vinnuherberginu. Það er mun notalegra en að sitja sitt hvoru megin í íbúðinni, 13 metra frá hvort öðru.

Trén í bakgarðinum eru farin að grænka.

Nýjasta parið á heimilinu býr í eldhúsinu. Konunglega brauðristin og internetútvarpið góða sem nær öllum útvarpsstöðvum sem okkur langar að hlusta á, t.d. þeim íslensku Rás 1 og 2, dönsku P8 Jazz og DR Klassik, auk Radio Eins Berlin. Athugið að brauðristin er hægra megin.

2. Semester

Ég var að fá fyrsta verkefnið mitt á annari önn námsins. Ég á að greina nákvæmlega hvaða aðferð og efni voru notuð til þess að taka þessa ljósmynd. Þetta er einhvers konar Ferrotype, þ.e. myndin er tekin á járnplötu sem hefur verið lökkuð svört áður en ljósnæm efni voru síðan borin á hana

Svo ég mun grandskoða þessa tvo herramenn næstu vikurnar.

Currywurst

Við hjónin villtumst aðeins á laugardagskvöldið. Hringsóluðum dáldið í Wilmersdorf og Steglitz á leið okkar í Schöneberg. Þar rak ég þó augun í búlluna þar sem að ég smakkaði mína fyrstu Currywurst. Hefði fengið mér eina ef að við hefðum ekki verið á leið í matarboð...

Vordagar

Júlía er farin að drekka morgunkaffið og vinna í eldhúsglugganum. Það er jú eini glugginn í íbúðinni okkar sem að vísar í suður.

Svona var stemningin og veðrið þann 24. mars. Flest allir komnir í stuttbuxur og jafnvel á hlýrabol. Þá verður maður bara að fara í almenningsgarð að lesa og drekka kaffi.

Vorskipin komin

Pósturinn færði okkur þessar elskur í morgun. Hann sagði mér líka að hann kæmi svo oft til okkar að hann væri farinn að kunna eftirnafnið mitt utanað. Takk fyrir sendinguna M&P.

Búðarferð

Ég er enn að átta mig á hve ódýr Berlín er. Skrapp út í búð áðan að kaupa smá bjór og snakk fyrir kvöldið og kippti nokkrum öðrum hlutum með. Kippa af góðum bjór, snakkpoki, tveir pakkar af salthnetum, eitt brauð, einn pakki af smjördeigi, 10 egg og sturtusápa kostar sem sagt 1.690 íslenskar krónur á gengi dagsins.

Fullt af gestum undanfarið

Allt þetta fallega fólk kom í þrítugsafmælið mitt! Þetta var ógleymanleg helgi og ég er afar þakklátur fyrir heimsóknina. Takk Ásta amma, Þórir afi, Mamma, Jón Bjarni, Pabbi, Siggi T, Kolbrún, Óli, Silla og Júlía.

Diðrik kíkti í sunnudags morgunkaffi. Hann var á skólaferðalagi um Þýskaland til að skoða postulínsverksmiðjur.

Bibbi kom í kaffi og mat. Hann býr í Amsterdam en var í eins sólarhrings vegabréfsreddingartúr til Berlínar. Sendiráð Íslands í Hollandi er víst ekki mjög tæknivætt.

Bók ársins?

Það er þýskupróf á morgun og ég var að fjárfesta í hjálpargagni.

Afmælispartý

Ég hélt uppá afmælið mitt um helgina. Það var að sjálfsögðu plötupartý og þetta er það sem fólk vildi spila.

Þessi kom með póstinum áðan...

Þegar að ég kom heim úr skólanum í dag þá beið mín pakki frá Amazon. Ég var voða glaður því að ég var einmitt að bíða eftir skólabók sem að ég pantaði um síðustu helgi. En mér brá heldur betur þegar að ég opnaði kassann og þessi græja blasti við mér.
Takk kærlega fyrir mig strákar! Þetta er snilld!

06.02.2012

Tvær góðar gjafir. Þessa vinstra megin fékk ég fyrir það eitt að tóra í 30 ár, en þessa hægra megin af því tilefni að ég var að klára fyrsta prófið mitt í háskóla. Svona er maður nú heppinn. Takk fyrir mig Júlía!

Undirbúningur fyrir afmælið

Rauðvínið kom í gær!

Ótrúlega þægilegt að panta í gegnum netið og fá sent heim. Reyndar var póstburðarmaðurinn ekkert svakalega hress þegar hann var búinn að rogast með þessar 18 flöskur uppá þriðju hæð (fjórðu á íslenskan mælikvarða).

Teikning

Föstudagsmorgnar eru yfirleitt frekar rólegir. Þá erum við annað hvort í ljósmyndun eða teikningu. Síðastliðinn föstudag vorum við í seinasta teikningartímanum.

Við áttum að skissa gömul apótekara tæki sem að krakkarnir í Moderne Materialien und Technisches Kulturgut hópnum (nútíma efni og tæknilegar minjar) eru að vinna með þessa dagana fyrir Deutsches Historisches Museum.

Fyrsti snjórinn

Í gærkvöld kom fyrsti snjórinn sem að hélst í meira en 5 mín.

Ich muss hier umsteigen.

Tvisvar á dag þarf ég að skipta um lest. Einu sinni á leiðinni í skólann og einu sinni á leiðinni heim. Þrátt fyrir að ég geti skipt á 9 mismunandi stöðvum á milli Beusselstr. og Schöneweide þá verða þessar tvær yfirleitt fyrir valinu. Skrítið hvað maður er vanafastur.

Treptower Park

Greifswalderstraße

Lestakort yfir Berlín. Við þetta samgöngunet bætast svo sporvagnar og strætisvagnar.

19. öldin

Svona lítur vinnuborðið mitt út í dag. Ég er í miðju kafi að greina hvaða tækni var notuð við hverja mynd.

Það er ekki leiðinlegt að vera með 90-130 ára gamlar ljósmyndir í höndunum hvern einasta dag.

Pönnukökur á sunnudegi

Gierkeplatz

Við hjónin fórum í hjólatúr um Charlottenburg hverfið um daginn. Ég hafði fengið verkefni í listasögukúrs í skólanum sem snérist um að skoða eitt af torgum borgarinnar. Ég valdi Gierkeplatz sem er í kringum þessa kirkju, Luisenkirche, sem var byggð árið 1716 og endurnýjuð á árunum 1823-1826 af Karl Friedrich Schinkel, einum þekktasta arkitekt Prússa. Kirkjan var að lokum endurbyggð að mestu leyti eftir að sprengja féll á hana í loftárás árið 1943.

Hérna sést kirkjan fá austri. Hún stendur á torgi sem að er hringlaga og svo eru íbúðahús allt í kring.

Í næstu götu rákumst við svo á þessa huggulegu hjólabúð.

Mér varð hugsað til Kobba þegar að ég sá þessa fallegu jólaskreytingu í glugganum hjá þeim.

Þetta hús er svo í sömu götu og Gierkeplatz. Það hýsir keramiksafn Berlínar. Nokkrum mínútum eftir að þessi mynd var tekin gerði hellidembu svo að það voru ekki teknar fleiri myndir þennan daginn.